Shillong, Nohprah 01
Ka East Jaiñtia Hills District Football Association (EJHDFA) ka wer ïa ki khynnah ïalehkai phutbol kiba hapoh 17 snem ka rta ba kin wan sha ka trial ne ka jingpyrshang ka ban long ha ka 5 tarik mynta u bnai naduh ka por 8 baje mynstep ha madan Artificial Turf Diengshynrum, East Jaiñtia Hills District.
U General Secretary ka EJHDFA, Bah James Sutnga u la ong ba kane ka jingpyrshang ka long shi bynta ban jied ïa ki khynnah ïalehkai ki ban mihkhmat ïa ka District ha ka lympung ïalehkai ba heh ka Jylla kata ka 6th Meghalaya Games ka ban long ha West Jaiñtia Hills District ha u snem ban wan.
Ka tarik sngi kha ban pdiang ka long kiba kha hapdeng ka 1 tarik u Kyllalyngkot 2009 bad 31 tarik u Nohprah 2009. Baroh ki nongïalehkai kin wanrah lang ïa ki kot ki sla ban pynshisha ïa ka snem kha ne ka Birth Certificate (Original).
