Shillong, Nohprah 02
Saw ngut ki nongïalehkai ka Jylla ki la lah ban pynpaw ïa ka jingtbit da kaba ïoh khur takma ha ka 1st North East Para Sports Meet kaba la kut dangshen ha Guwahati.
Ha kane ka lympung kaba la sdang naduh 27 haduh 29 tarik u Naiwieng, ka Jylla ka la khur ar tylli ki takma ksiar bad ar tylli ki takma rupa.
Ïa ki takma ksiar la khur da ka Rinalin Nongdhar ha ka jingïalehkai Table Tennis bad ka Prisca Pyngrope ha ka Shotput. Katba ïa ki takma rupa la khur da ka Angelina Thyrniang Table Tennis bad ka Rinalin Nongdhar ha ka Shotput.
Nalor kitei ki samla, ka Jylla ka la sei ruh sa kawei ka nongïalehkai kata ka Darity Khongthaw ha ka jingïalehkai Badminton & Shotput.
Kumba ka paw kane ka long ka jingjop kaba khraw namar ki nongïalehkai kiba don jingduna ha ki dkhot met ki la ïoh jingjop ha katei ka lympung wat la ka Jylla kam ju don ïa kum kine ki lympung kiba kham kyrpang na ka bynta jong ki.
