Washington, Nohprah:
U President ka United States- u Joe Biden, ha ka Sngi U Blei u la map ei ia la u khun haba iadei bad ar tylli ki kam runar kiba u la leh ha ki por ba la leit, kynthup ka jingpynkheiñ ia ki kyndon siew khajna bad kumjuh haba iadei bad ka jingbuh ia ki tiar siat.
Ha katei ka sngi, u Biden u la ong ba mynta ka sngi u la map noh ia kitei ki jingleh kam runar jong u khun jong u- u Hunter. Namar u la ong ba naduh ka sngi kaba u shimti ia ka shuki President haduh kane ka kynti ruh um ju tuklar ia ka kam jong ki bor ka aiñ wat la u khun jong u, u la shu shah pynngat bad shah pharep be-aiñ ha ki kam kiba u khlem da don kti eiei.
Wat la katta, ka White House baroh shi katta ka la ju ong ba u Biden un ym pyllait ia la u khun na ki jing-leh pynkheiñ aiñ uba dang shah sumar na ka jingkyrni dih drok bad uba long ka jingma ia ka seng kaba pyrshah ia ka sorkar jong u Biden bad wat ia u nongialam ka Republican- u Donald Trump.
Hynrei ha kane ka por, la ong ba u Biden u la pyllait bad map noh ia la u khun na ka jingpynngat kyndon aiñ kiba u la shah pynngat bad shah pharep naduh u Kylla-lyngkot 2014 haduh ka 1 tarik u Nohprah 2024.
