Amlarem, Nohprah 03
Ka lympung ïalehkai Upper bad Lower Division Football Tournament ba la pynïaid da ka Amlarem Sub Divisional Sports Association (ASSA) ka la nangjam shaphrang ha Mini Stadium Ladjaplem, Amlarem.
Ha ka jingïakhun jong ka Upper Division kaba la long ha ka Sngi Ba-ar, ka Lamin XI bad ka TSCD Moosakhia ki la ïasam mar shi poiñ hadien ba kim shym la lah ban thep kol haduh kaba kut ka jingïalehkai.
Haba phai sha ka Lower Division, ka Nongbareh Lyntiar ka la pynliem noh ïa ka Twah U Sdiah da 1-0 kol. Ïa kane ka shi kol la thep da u Tendril Lamin ha ka minit kaba 42.
Ka jingïalehkai hapdeng ka Ryntih Amsohrhong bad ka LM Amsyrwai ka la kut da ka jingïakhaid mar 1-1 kol. Wat la ym shym la don ba lah ban thep kol ha ka kylla step, hynrei ka Amsohrhong ka la ïoh ban thep kol ha ka kylla miet lyngba u Bani Suting ha ka minit kaba 56. Tang hadien ar minit ka Amsyrwai ka la lah ban pynïakhaid kylla lyngba u Dimiyos Langshiang.
Ha kawei pat ka jingïalehkai kaba khatduh hapdeng ka FB Sapator pyrshah ïa ka Traki Mawngap ki la kut ha ka jingïakhaid hadien ba kim shym la lah ban pynkhih jar haduh kaba kut ka jingïalehkai.
