Ka jingim jongngi ki briew ka long kaba eh ban batai, wat la ngi duwai lai sien shi sngi kum u Daniel ruh ngin ym lait na ka pop. Wat la ngi duwai arphew saw kynta khlem sangeh ruh ngin ym lait na ka jing-ïap. Baroh ngi hap ban mad ïa ka jingïap khamtam ynda ngi la noh ka rat. Ym don uwei ruh u ban ïoh jingmap na ka sngi jong ka jingïap.
Namar ka bainong jong ka pop ka long ka jingïap. Uba trei kam niam ne balang ruh u ïap noh haba la dei ka por. Uba long nongsynshar hima-sima ruh u ïap noh haba la dei ka por. Uba im ka rep ka riang ruh u ïap noh haba la dei ka por. Uba im ka kam hikai skul ruh u ïap noh haba la dei ka por. Uba long nongñiah eroplane ruh u ïap haba la dei ka por. U nongsaid aiñ uba stad ruh u ïap noh haba la dei ka sngi.
Bad kumjuh kiwei kiwei ki kam ba ngi trei bad im hangne ha sla pyrthei kin ïap haba la dei ka sngi.
Ym don uba hok em, ym don uwei ruh, ym don uba shemphang ym don keiñ uba wad ïa u Blei. Kane ka long ka jingshisha kaba ka ktien u Blei ka sakhi bad ïathuh.
Ym don uba lait im wat lada ngi shakri ïa u Blei naduh dang rit naduh ka sngi ka jingïap kan wan shaw ruh. Ka jingïap kan rat naphang lin ïa baroh ki kynja jingthaw baim bad ïa ngi ki briew kumjuh. Lada ngi lah ba ngeit bad lah ban leh bha katno-katno ruh ngim nym ïoh ka jingmap kaba kyrpang na u Blei nongthaw nongpynlong ïa ngi ki briew bad ïa kiei kiei kiba don hangne ha sla pyrthei. Namar u Blei u bat ha ka kti ïa ka jingim bad ka jingïap jongngi ki briew.
C. B. Iawphniaw
