Namar ka jingthoh ka ong, ka Sngi Sabbaton ka long ka sngi shong sngi jong ki riew ngeit khristan ban ym trei eiei. Hynrei mynta ki Khristan kim ngeit shuh ban shong sngi ha kane ka sngi kaba hynñiew ne ka Sngi Saitjain (Saturday) ki la shong sngi noh ha ka Sngi Sunday ne ka Robibar.
Kaba ar ka jingthoh ka ong, to ai ba ki kynthei jongphi kin sngap jar na ki balang, namar ym shym shah ïa ki ban kren (I- Korinth 14 : 34). Hynrei mynta ki kynthei ki la kren bad ïalap ha ki balang. Kane ym dei ba kim kohnguh shuh ïa ka ktien u Blei. Kaba lai ka jing thoh ka ong, don uwei u Trai, kawei ka jingngeit, kawei ka jingpynbaptis uwei u Blei bad u kpa ba baroh (Ephesos 4 : 5 : 6). Hynrei mynta ki don bun ki jingngeit don bun jait ki jingpynbaptis bad kiwei kiwei na ki balang bapher bapher.
Kaba saw ka jingthoh ka ong, To sumar phi ioh ban don uno-uno uba rong lute ïa phi da la ka jingstad pyrthei bad da ka jingshukor ba thala (Kolossai 2 : 8). Kaba san ka jingthoh ka ong, Ko ki kynthei to pynhapoh ïalade ha ki tnga jongphi. Ko ki shynrang to ieit ïa la ki tnga bad wat long kiba bitar ïa ki.
Ko ki khun to kohnguh ïa la ki kmie ki kpa ha kiei kiei baroh, hynrei mynta kim ngeit ïa ki jinghikai ka ktien U Blei. Kaba hynriew ka jingthoh ka ong, na ka bynta kane ka briew un ïehnoh ïa la u kpa bad ïa la ka kmie bad un ïaineh bad la ka tnga. Hynrei mynta ki bun kiba la pyllait tnga ne ïa pyllait san shyieng shi tnga (Markos 10 : 7).
C. B. Iawphniaw
