Guwahati, Nohprah:
Ha ka jingpyntreikam ha ka sienjam kaba kyrpang ha ka jingïakhun pyrshah ïa ka jingma jong u drok, ka Assam Special Task Force ka la pynduh ïa ki 37 hajar tylli bilor dawai jyrhoh Phensedyl ba la shah ñiew beaiñ, ka dawai ba la ka dawai kaba la shah teh lakam hapoh ka jingkhmih jong ka NDPS.
Ïa ka song jong kine ki dawai la bret ha ka M/s Fresh Air Waste Services Pvt. Ltd., Panikhaiti, Guwahati. Ki bilor ba la pynlut ki don 100 ml kawei kawei ka jingdih, baroh ki long 3,700 litar. Kan jin da la shong dor ha ïew haduh kumba 70 lak tyngka.
Ïa kane ka jingbret la leh ha M/s Fresh Air Waste Services Pvt. Ltd., Panikhaiti, Guwahati, ha ka jingïadonlang ka Drugs Disposal Committee. Katei ka komiti kaba la khlieh da u Sudhakar Singh, APS, SP (Zone-I), CID, Assam, ka la don ki dkhot na ka ophis u District Magistrate, u Joint Director ka tnad ka koit ka khiah, bad na ka Narcotics Control Bureau. U MR No. 74/2023 uba la Register u dei uba don hapoh ki tiar ba la ïoh kurup.
Naduh u, Lber jong u snem 2023, ka kynhun STF, Assam hapoh ka jingïalam jong u IGP Partha Sarathi Mahanta, ka IPS ka la treikam na kawei ka sngi sha kawei pat da ka jingtreikam kaba tyngeh pyrshah ïa ki kynhun ba ju khaïi drok ha baroh kawei ka jylla.
Ha kane ka por, ka kynhun ka la pynlong ïa ki 164 tylli ki jingkhynra bad kem ïa ki 325 ngut ki nongpynkheiñ ïa ki kyndon ka NDPS ryngkat bad ka jinglap ïa u drok Heroin, Opium, Ganja, ki dawai jyrhoh, bad ki song dawai kuli.
Kine ki dawai kumba la antad la ong ba ki shongdor haduh T.800 klur ha ïew, kaba dei kawei na ka jingjop da ka jingtrei shitom kaba tyng-eh jong ka kynhun STF haduh mynta ha ka jingkhaïi beaiñ ïa ki dawai pynbuaid. Kaba ar, ka dei ka jingpynduh da ka STF hapoh ki jingpynbna jong ka kiba dang ïaid haduh mynta.
Ka jingpynjot kaba nyngkong la pynlong ha ka 16 tarik, Lber, 2024. Ka kynthup ïa ki drok ba la kurup pyrshah ïa ki shiphew tylli ki jingmudui ba la pynrung kyrteng kum shi bynta jong ka jingtohkit halor ka jingjia.
Ki jingthmu na ka bynta ka jingpynduh kaba lai ki la dep ban ïaid, ha kaba la ïoh ïa ki hukum jong ka ïingbishar na ka bynta ban pynduh 3.06 kilo u drok Heroin, 37.26 kilo u drok Opium, 3,873 kilo u drok Ganja, bad 80,400 tylli ki Capsule bad ki dawai kuli ba la khang pyrshah.
