Khliehriat, Nohprah 06
Ki bor pulit ka East Jaiñtia Hills ha ka 5 tarik Nohprah ki la ïoh jingtip halor ka jingdon jong kawei ka metïap jong uwei u shynrang briew u bym lah ban ithuh kaba per halor ka Wah Kai Duma kaba hap hapoh ka Umpleng Police Outpost, East Jaiñtia Hills District.
U Superintendent of Police, East Jaiñtia Hills District lyngba ka kyrwoh u la ong ba ïa kane ka metïap kaba la pyut la lap ha Wah Kai Duma ha ka por 2.15 baje nohphai sngi.
Hadien ba la pyndep ïa ki jingtohkit bniah kumjuh ka ‘Post Mortem’ bad kiwei-kiwei ki jingdonkam jong ka aiñ bad la buh ïa ka met ha jaka buh metïap jong ka Khliehriat CHC, East Jaiñtia Hills District na ka bynta ka jingpynithuh bad shimti.
Une u briew u dei uba don kumba 35-45 snem ka rta, u don ïa ka rynïeng 5.6 phut, pyllun dur bad phong patlun lyngkot rong ‘Violet’.
Ki bahaïing lane kino-kino kiba ithuh ïa utei u briew, ki lah ban ‘phone’ ha une u nombor – 9774104124.
