Ngi long tang ki briew ki bym donbor eiei kaba ïa dei bad ka jingim hangne ha sla pyrthei. Hooid ngi lah ban long ki nongrwai kawiar kiba nang ban rwai, ki nongtem nongput kiba tbit, ki nongïaleh kaei kiba kynsai, ki nongmareh thong kiba khlaiñ, ki nongïalam jingïaseng bad ki nongïathuhkhana kiba pnah, hynrei baroh ngi hap ha ka kamra kaba long ka jaka rieh jong ka pop.
Namar ka ktien U Blei ka ong, ym don uwei ruh uba hok, ym don uba shemphang, ym don keiñ uba wad ïa u Blei baroh ki jingleh jongngi ki briew ki la sakma noh bad ki long tang ki rukom leh kmen leh sngewbha jong kane ka pyrthei.
Wat la ngi sngewhok katno-katno ruh ngim lah lait na ka pop kaba u Blei u la buh.
Te kaei kaba ka pop? Ka ktien u Blei ka ong, Ka bainong jong ka pop ka long ka jingïap keiñ. Namar ym don wat uwei ruh u briew ne ka briew kiba lait na ka pop ne ka jingïap.
Ka pop ka la lyngshop ïa ka jingim jongngi ki briew naduh myndang long ka pyrthei haduh kine ki sngi ym don uba lah ban ïada bad ïaleh pyrshah ïa ka jingïap. Ka pop ka dang ïai ïeng rasong haduh kine ki sngi ha ngi ki briew.
C. B. Iawphniaw
