Shillong, Nohprah 02
Ka Meghalaya Softball Association (MSA) ka la pynkha ïa kawei ka synjuk kaba thymmai ha Mairang ïa kaba la tip kum ka Eastern West Softball Association (EWSA) hadien ba la lah ban pynlong ïa ka ilekshon ha ka 29 tarik u Naiwieng ha ka shlem treikam jong ka Pyndengumïong Sports Association.
La ïadon lang ha katei ka sngi da ki dkhot ka MSA kiba kynthup ïa u Joint Secy Bah Hiamdor Rapsang, ka General Secy Kong Ridalin Lyndem, Vice President Kong MN Lyngdem bad Kong V. Jyrwa lem bad ka Coach Kong Jerinda Kharshandi.
Ha katei ka sngi la thung President ïa u Bah Tlatbon Mawlong, Vice President ïa u Bah Lastborn Basaïawmoit bad Bah Shemphang War. Ïa ka kam General Secretary la pynkhamti ha u Bah Micheal Kharmuti, katba ïa ka Joint Secretary la thung ïa ka Kong Laicy Basaïawmoit bad Kong Dasngewhun Lyngdoh Mawnai. Ka kam Treasurer ka leit sha u Bah Ricky Paul Basaïawmoit. Ki Adviser ki long u Bah B. Syiemïong bad Bah Lambok Nongrang.
Ki Executive Member ki long Bah Wanteithymmai Syiemlieh, Pyndonborlang Mawbaniang, K. Damang Lyngdoh Mawnai, Lawanshwa Mawlieh, Kong Basngewsuk Lyngdoh Mawnai bad Kong Ribakmen Lyngdoh Marshillong.
