Haba ka Sngi U Blei (Sunday) ka long ka sngi kaba khuid bad kyntang na ka bynta ki riewngeit khristan bad ki balang. Kata kam lah long namar ha ka jingshisha ym shem lap ha ka Baibl ba ka Sunday ne ka Sngi U Blei ki khristan ka don bad la thoh ha ka Baibl.
Ha ka Baibl la shem bad la thoh tang ïa ka sngi Sabbaton kaba long ka Sngi U Trai. Namar katkum ka Baibl hynriew sngi ka dei ban trei jingtrei hynrei ha ka sngi kaba hynñiew ka long ka Sabbaton ka jingshongthait kaba khuid ïa u Trai (Exodos 31 : 15). Kane ka Sabbaton ka don ruh ha ka shiphew Hukum kaba ong, kynmaw ïa ka sngi Sabbaton ban rakhe khuid ïa ka.
Te ngin rakhe khuid ïa kano ka sngi ? Ka Sngi U Blei ki khristan ne ïa ka Sabbaton U Trai ? Namar lada ngi rakhe ngi dei ban bud ïa ka jinghikai ka ktien U Blei (Bible) kata ïa ka Sabbaton, ym ïa ka Sngi U Blei (Sunday) ba rakhe khuid ki Khristan.
Ne phin ong ym dei ban kohnguh ïa ki shiphew hukum U Trai. Ngi dei ban bud ïa ka jinghikai ki balang ban rakhe ha ka Sngi U Blei (Sunday). Ki Nongïalam niam ki dei ban pynshai ïa ngi kiba duna ka jingtip ïa ka ktien U Blei.
C. B. Iawphniaw
