Shillong, Nohprah 08
Ka East Khasi Hills District Election Committee ka United Democratic Party (UDP) ka la pdiang ïa ka kyrteng jong 4 ngut ki kyrtong ban ïakhun ïa ka ilekshon MDC sha Khasi Hills Autonomous District Council (KHADC) na 4 tylli ki Konstitwensi kiba don hapoh ka nongbah Shillong.
Ha ka kyrwoh khubor ba la pyllait da u Secretary, Bah Allantry F Dkhar, u la pyntip ba ka District Election Committee ka la pdiang ïa ka jingtyrwa ïa ki kyrteng jong 4 ngut ki kyrtong ki ban ïakhun ïa ka ilekshon MDC na ki Konstitwensi kiba don ha ka nongbah Shillong.
Kine 4 ngut ki kynthup ïa u MDC ba mynta u Bah Mitchel Wankhar na Laban-Mawprem, u Bah Auguster Jyrwa na Jaïaw, u MDC barim Bah James Ban Basaiawmoit na Mawkhar-Pynthorumkhrah bad u Bah Desmond KL Mawlong na Nongthymmai Konstitwensi.
La pyntip ruh ba ka District Election Committee kan sa phah ïa kitei 4 tylli ki kyrteng sha ka State Election Committee jong ka UDP.
