Jowai, Nohprah 08
Ka West Jaiñtia District Sports Association (WJDSA) ha ka sngi Saitjaiñ ka la pynlong ïa ka jingpyrshang (trial) ha ka jingïa -lehkai Archery (Indian Round) kaba shi sngi ha Kiang Nangbah Stadium, Jowai.
Ha kane ka jingpyrshang la wan shim bynta 20 ngut ki nongsiat khnam jong katei distrik. Hadien kane la lah ban jied ar ngut ki nongsiat khnam na ka shnong Nangbah ban shah hikai pyntbit ha ka siatkhnam. Kine ar ngut ki long ka Heigenica Lamare na Nangbah Mulang bad Wanbok Dhar na Nangbah Pohshnong.
U President WJDSA Bah EMH Passah u la ong ba ka thong jong ka jingpyrshang ka long ban jied ïa ki nongsiatkhnam ki ban mihkhmat sha ka Megha-laya Games 2025 ka ban long ha Jowai-Wahïajer, West Jaiñtia Hills District.
U la ong ruh ka Archery ka dei ka jingïalehkai tynrai jong u khun Khasi Jaiñtia naduh u mynbarim.
Ha kaba ïadei bad ka jingïalehkai, u la pyntip ba ka West Jaiñtia ka don shibun ki khynnah kiba don ka sap siat khnam bad ban
nang kyntiew shuh shuh ha kane ka jingïalehkai, na ka liang ka WJDSA ka la pynthied hi ïa ki tiar ïalehkai katkum ka juk mynta ban plie lad bad pynsuk ïa ki khynnah ban ïoh kilanmet tista.
