Jowai, Nohprah 09
Kan dei ka sien kaba nyngkong eh ba la pynlong ïa ka lympung ïalehkai Wushu ba la tip kum ka 1st West Jaiñtia Hills District Wushu Championship kaba shisngi na ka bynta ki shynrang bad kynthei ha ka sngi Saitjaiñ.
Ïa kane ka lympung la pynïaid da ka West Jaiñtia Hills District Wushu Association ha Vianney Hall Marianhill kaba ha Jowai ha kaba la ïadon lang u District Sports Officer (DSO) Bah Khroobok Passah kum u kongsan bad u Vice President ka WJDSA Bah Patrick Lamare kum u symbud kongsan.
Ki la don haduh 43 ngut ki nongïalehkai na West Jaiñtia Hills District kiba wan ïashim bynta ha ka kyrdan Sub Junior, Junior (Boys & Girls) bad Senior (Men &Women).
Ka thong jong kane ka lympung ka long ban sei madan ïa la ki rang bad ki ‘thei ïalehkai ba kynsai ban khreh mihkhmat ïa ka District sha ka 6th Meghalaya Games 2025 ka ban long ha Jowai-Wahïajer.
Haba ai jingkren ha katei ka sngi u Bah Passah u la ong, wat la ka dei ka sien kaba nyngkong, hynrei la lah ban sei haduh 43 ngut ki nongïalehkai ban ïashim bynta ha kane ka rynsan ïakhun bad kan long ruh u maw kyndon ban jam shakhmat namar ka Wushu ka dei kawei na ki jingïalehkai ba la ithuh ha ka Olympic.
Hadien ka jingïalang u kongsan nalor kiwei ki la sam khusnam bad syrnot sha baroh ki nongjop.
Haba phai sha ka jingïakop ha ka kyrdan Sub Junior (45Kg), u Courticus Synnah u la wan nyngkong, ba-ar u Hameki Dhar bad balai u Kheiñburommiki Langbang bad Restarwell Phawa. Ha ka -48Kg, la wan nyngkong da u Meoris Tang bad ba-ar u Eisalanki Lyngdoh. Ha ka 52Kg ïa ka nam nyngkong la ïoh da u Alanki Biam, ba-ar Nehemaia JJ. Tariang bad ba lai u Jack Issac Lyngdoh.
Ha ka kyrdan Junior 48Kg, ïa ka kyrdan ba nyngkong la ïoh da u Fourly Phawa bad ba-ar Emiki Tariang. Ha ka 52Kg u Banshanlang Lakashiang u la wan nyngkong, ba-ar u Teimiki Langbang bad balai u Livingson Pasi.
Ha ka 52Kg ïa ka kyrdan ba nyngkong la jop da u Chemi Nongpluh, ba-ar u Ribaitki Phawa bad balai u Mebanker Manner bad Stevenson Maskut. Ha ka 65Kg la jop da u Rememberme Myrchiang bad ba-ar Reuben Pyrtuh.
Ha ka kyrdan Senior 48 Kg la jop da u Rismenki Lyngdoh, ba-ar u Lambhakidame Lamare bad balai u Grateful Lyngdoh bad Marwi Khyrim.
Ha ka 52Kg la jop da u Rubing Lyngdoh, ba-ar u Aibanburomlang Suchen bad balai u Ribatshan Nehtre Dkhar bad Juhki Ladia. Ha ka 56Kg la jop da u Rimiki Rymbai, ba-ar u Damangkupar Rymbai. Ha ka 60Kg la jop da u Marboodki Myrchiang, ba-ar u Divasia Rymbai bad balai u Fermin Suchiang bad Banshan Papeng.
Haba phai sah ka kyrdan ïalehkai jong ka 65Kg la jop da u Ebanezer Tang, ba-ar u Ewanmidaoo Pyrtuh bad balai u Lamjingsuk Phawa bad Eramus Dkhar.
