Nongstoiñ, Nohprah 09
Ka Athletic Committee NDSA West Khasi Hills District ka la pynbna ba ha ka Sngi Ba-ar kan sdang ban pynlong ïa ka prokram jied khynnah ïalehkai Athletic (Under-22 bad ka Under-30) ban mihkhmat ïa ka District sha ka 6th Meghalaya Games ka ban long ha Jowai ha u snem ban wan.
Ha ka kyrwoh khubor ba la phah da u Bah F.Wanñiang, Athletic Committee NDSA u la ong ba ïa kane ka jingjied ïa ki khynnah yn pynlong naduh kane ka Sngi Ba-ar haduh 12 tarik mynta u bnai ha ka por 8 baje mynstep ha madan NDSA Nongpyndeng. U Bah Wanñiang u la kyntu ruh ïa ki khynnah don sap ha ka kane ka kam ïalehkai kin sngewbha ban wan ha kitei ki sngi.
