New York, Nohprah:
Ka kurim u CEO ba la shah pynïap jong ka kompeni ba heh tam jong ka koit ka khiah jong ka US, ka la phla ba utei u heh u la dep shah byrngem pynïap lypa naduh ki por shuwa ba un shah pyniap ha ki riew shim kabu. Kane ka jingphla jong katei ka kurim ka long hadien ka jingkhlad noh jong utei u heh bad na liang ki pulit ki dang ïaleh ban wad ïa u briew uba siat bad suba don ruh hapoh jong ka nongbah Manhattan.
Katei ka jingshah siat ka la jia ha ka step jong ka Sngi Balang ha khmat jong kawei ka ïing-basa ha Hilton katba ki nongjngohkai pyrthei ki dang leit ban peitkai ïa u dieng Khristmas ba pawnam jong ka Rockefeller Centre uba don hangtei ha ka por janmiet, ha kaba kane ka khubor ba kyndit ka la paw pyrthei.
Ka heh Pulit Jessica Tisch ka la pyrshang ban pyntikna ia ka jingshngaiñ jong ki nongwan jngohkai, da kaba ong ba katei ka jingpynïap ka dei ka jingshah thombor kaba la thmu bad pynkhreh lypa da ki runar bad kam dei kaba shu jia ryngkhat, bad kumta kane kam don jingktah ne buh jingma eiei ia ki riew paidbah.
