Shillong, Nohprah 09
Ka Nongrim Hills SC ka la pynliem noh ïa ka Nangkiew Irat da 5-2 kol, katba ka Laitkor SC ka la jop da 2-0 kol pyrshah ïa ka Ryntih FC ha ka lympung ïalehkai OC Blue Shillong Premier League 2024 ha ka Lah Sngi U Blei ha SSA Stadium kaba ha First Ground, Polo.
Lada ka la jop kan jin da la pynlong ïa ka Nangkiew Irat ban jam sha ka kyrdan ba ha khlieh duh hynrei ka jingbym lah ban ïada bha ha ka bynta kaba shadien ka la pynlong ïa ka Nongrim Hills ban ïoh jingjop ei. Ïa ki ar kol la thep da u Alem Khong -wir (15 & 52 lyngba ka penalty), kumjuh u Mebanshan Suting (22), Bankit Nongrum (24) bad u Banshemphang Kurbah (62), hynrei u Ronaldky-don L Nonglait (33 & 90+ 2) u la lah ban pynphai ar kol na ka bynta ka Nangkiew Irat.
U Alem bad u Meban-shan ki la lah ban ïakhun tyngeh na ka bynta bynta ban thep kol hadien ba ki rangïalehkai ‘dien ka Nangkiew Irat kim shym la lah ban kyrda. Ïa ka kol ba lai la thep da u Bankit na ka bynta ban pynlong ïa ka Nongrim Hills ban tam da 3-0 kol. Hadien shiteng kynta ka Nangkiew Irat ka la lah ban pynphai kylla shi kol lyngba u Ronaldkydon.
Ha ka kylla miet ka Nongrim ka la thep biang sa ar kol lyngba u Supong Lemba bad u Banshem-phang Kurbah. Hynrei shwa ban wai u Ronal-dkydon u la pynbud biang ïa ka kol ba ar shwa ba ka Nangkiew Irat kan mad ïa ka jingshah rem.
Haba phai sha kawei pat ka jingïakhun kaba la long kham ha shwa, ki kol ba la thep ha ka kylla miet lyngba u Moonstar Nongsiej (66) bad u Sam-borwell Mynsong (78) ki la biang pura na ka bynta ka Laitkor ban pynliem noh ïa ka Ryntih kaba la mad ïa ka jingshah rem kaba hynñiew sien lynter.
Ïa kane ka lympung yn pynsangeh shwa shipor khnang ban ai jingkyrshan ïa ka kynhun ïalehkai ka Jylla kaba la mih na ka nongbah ha ka Lah Sngi U Blei ban leit shim bynta ha ka wat khatduh jong ka Senior Men’s National Football Championship na ka bynta ka Santosh Trophy 2024-25. Kiba bun na ki rangïalehkai ki dei kiba la don bynta ha ki klob jong ka SPL.
