Ban pynsngewbha ïa u Blei ka dei ïa ngi ban kohnguh ïa ki hukum jong U . Namar kam biang tang ban ïalap ïa ka gospel bad pynkylla niam ïa ki briew. Namar ka gospel u Mathaios ka ong, Kordit ïa phi ki nongthoh bad ki pharisi kiba arsap haba phi ïaid sawdong ïa ka duriaw bad ka ryngkew ban pynkylla niam ïa uwei te haba u la kylla phi pynlong ïa u ksuid na u khun dujok uba arshah ïa phi hi (Math 23 : 15).
Kane ngi sngewthuh ba kam shong tang ha ka kam ïalap bad pynphriang ïa ka ktien u Blei. Hynrei ka dei eh ïa ngi ban kohnguh ïa ki shiphew hukum ka jong u Blei. Ki hukum u Blei u la bun na mynhyndai ki long, men ym thaw bleithaw ïalade lymne ïa ka dur jong kaei-kaei kaba don ha bneng sha jrong. Men ym ong thala ïa ka kyrteng U Trai U Blei. Kynmaw ïa ka sngi Sabbaton ban rakhe khuid ïa ka. Burom ïa u kpa bad ïa ka kmie.
Men ym pynïap, men ym klim, men ym tuh, men ym sakhi lamler, men ym i kwah ïa ka ïing u para marjan jong me. `Nga sngewthuh ba ym don kano-kano ka kam ba bha ban leh nga ngi ki briew lymne ngim bud ïa ki hukum jong u Blei. Namar ka bneng kam don hajan ka don ha ki jaka kaba jngai ban palat ïa ki Lum thah ba khriat tam ha pyrthei. Ka long kaba shitom ban ïoh leit sha bneng. Ki jingïaseng bad ki rukom leh niam, ïa rwai kim dei ka lynti ha nga Ah Trai Ah Trai u ban ïoh leit hapoh ka hima ki bneng. (Math 7 : 21).
C. B. Iawphniaw
