Mawkyrwat, Nohprah 10
Ka Benris Football Club ka la lah pynthikna ban ïoh rung sha ka final jong ka lympung-ïalehkai Mawlangwir-Invitation Football Tournament 2024-25 ba la pynïaid da ka Mawlangwir Sports Club.
Kane ka la wan hadien ba ka la lah ban pynliem noh ïa ka lahduh jong ka Shillong Premier League 2023, ka Mawlai Sports Club da 1-0 kol ha ka jingïalehkai semi final kaba long ha ka Sngi Ba-ar ha Rowell Lyngdoh Stadium kaba ha Saitsnad, Mawlangwir, South West Khasi Hills District.
Ïa katei ka kol jong ka Benris la ïoh ban thep da u Carlos Chacam ha ka minit kaba 84 jong ka kylla miet.
Na ka liang ka MSC lyng -ba ka Tournament Commi-ttee, ka la pyntip ruh ba ka jingïalehkai semi final kaba khatduh kan long ha ka 18 tarik mynta u bnai hapdeng ka Nonbri FC pyrshah ïa ka Ribhoi United FC ha ka por 1:30 nohphai sngi.
