New Delhi, Nohprah:
Ka India ha kine ki khyndiat sngi ba la leit, ka la pynpoi ïa 2,200 Metric ton u khaw sha Myanmar kum ka dak ban ai jingïarap ïa ki para briew, la ïathuh u nong-aiktien jong ka MEA u Randhir Jaiswal. “Ha ka jingïahap bad ki rukom pyntreikam jong ka ‘Act East’ & ‘Neighbourhood First’, ka India ka pynskhem biang ïa ka jingkular jong ka ban ai jingïarap ïa ki paidbah ka Myanmar,” la thoh u Jaiswal ha ka rynsan X. ,” u la ong.
Ka India ka la jubab kloi bad thikna ban ïarap ïa ka Myanmar ha ki kam ai jingïarap ïa ki briew hadien ki jingjia ba sngewsih kum ka ‘erïong Mora (2017), ka Komen (2015), ka jingkhynñiuh jumai ha ka jylla Shan (2010), ka ‘erïong Nargis ha u snem 2008 bad ka jingjia dang shen jong ka jingwan lynshop jong u khñiang jingpang Influenza ha u Naitung haduh u Nailar 2017, haba ngi dang pynbiang ki dawai ïada, ki dawai, ki tiar pyndonkam bad ki Mask.
Katkum ka jingïathuh jong ka Embassy jong ka India ha Myanmar, ka New Delhi ka la ai jingïarap mardor lyngba ka INS Gharial: ki jaiñ ki nep, ki ïingjaiñ, ki tiar ban pynbha pat ïa ki jingïarap ha ka liang ka koit ka khiah, nalor kiwei pat ha ka por jong ka erïong Mora.
