Khliehriat, Nohprah 10
Ka Rymbai Shkenshynriah SC ka la pynliem noh ïa ka Sutnga SSCC da 2-1 kol ha ka semifinal ba-ar (Eliminator Round) jong ka lympung ïalehkai Super Division Football Tournament na ka bynta ka 4th Kyrmen Shylla Contribution Trophy.
Ïa kane ka jingïalehkai la pynïaid da ka East Jaiñtia Hills District Football Association (EJHDFA) ha madan Artificial Turf ha Diengshynrum ha ka Sngi Ba-ar. Ïa ki kol jong ka la thep da u Yooluti Dkhar ha ka minit kaba 18 bad Ribiang Dkhar (69). Katba ïa ka shi kol jong ka Sutnga la thep da u Raplangki Lyngdoh (85) lyngba ka penalty.
Da kane ka nam jop ka Rymbai Shkenshynriah SC kan mih madan ban aireng pyrshah ïa ka Thangskai Tiger SC ha ka Qualifier-2 ka ban long ha ka 13 tarik mynta u bnai ha ka por 1 baje shiteng sngi.
Ka Thangskai Tiger ka dei ka kynhun kaba shah rem ha ka Dhana SC ha ka jingïalehkai Qualifier -1 kaba la long ha ka 9 tarik mynta u bnai.
