Shillong, Nohprah 10
U Nani uba long u rangïalehkai barim ka Portugal, uba la jop saw tylli ki nam lahduh ha ka Premier League bad Champions League na ka bynta ka Manchester United, u la pynbna ba un shongthait noh na ka jingïalehkai phutbol ha ka Sngi U Blei.
Une u rangïalehkai, 38 snem ka rta, u la sdang ïa ka jingïalehkai na ka Sporting CP shwa ba un shah soi ha u Sir Alex Ferguson uba long u manager ba kynsai ka United ha u snem 2007 bad u la mih noh ban ïasoh bad ka Fenerbahce da ka jingïateh ba pura ha u snem 2015.
U Nani u la ïalehkai na ka bynta 10 tylli ki klob baroh ha ki 19 snem jong ka jingïalehkai ha kaba u la ïalehkai ha Turkey, Spain bad America. U la soi bad ka Estrela Amadora kaba long ka kynhun ïalehkai ba rim ha u snem 2024.
“Kumba baroh ki tip, baroh ki poi sha kaba kut”, la ong u Nani ha ka kyrwoh.
“Nga la shim por ban shim ïa ka rai kaba kongsan bha. Lehse ka rai kaba kongsan tam ha ka jingim jong nga ka long ban sangeh noh na ka kam ïalehkai kum u nongialehkai ba tbit.
