Shillong, Nohprah 10
Ka Meghalaya Arm Wrestling Association (MAWA) ka la wer ïa baroh ki nongïakhun kti ban ïashim bynta ha ka rynsan ïakop jong ka 34th State Arm Wrestling Championship bad ka 2nd Para Arm Wrestling State Championship kaba la buh ban pynlong naduh ka 12 haduh ka 14 tarik mynta u bnai.
Kane ka jingïalehkai kaba la ap khmih lynti bha kan plie lad ïa ki nongïalehkai ka Jylla ba kin pyni ïa ka sap ïalehkai bad ka jingtbit ka jong ki.
Ki nongjop na baroh ki kyrdan kin ïoh ïa ka lad ban mihkhmat ïa ka Jylla sha ka National Arm Wrestling Championship 2025 ka ban long ha Dehradun, Uttarakhand.
Ki kyrdan jingkhia jong ki Youth (21 snem) ha ka liang ki shynrang ki long 55 kg, 60 kg, 65 kg, 70 kg, 75 kg, 80 kg, 85 kg, 90 kg & +90 kg, katba ha ka liang ki kynthei ki long 50 kg, 55 kg, 60 kg, 65 kg, 70 kg & +70 kg.
Ha ka kyrdan Senior jong ki shynrang ki long 0-55 kg, 60 kg, 65 kg, 70 kg, 75 kg, 80 kg, 85 kg, 90 kg, 100 kg, 110 kg& +110 kg, ha ka liang ki kynthei ki long 0-50 kg, 55 kg, 60 kg, 65 kg, 70 kg, 80 kg & +80 kg. Ha ka kyrdan Master (40 snem) jong ki shynrang ki long 0-70 kg, 80 kg, 90 kg, 100 kg & +100 kg, katba ha ka liang ki kynthei ki long 0-60 kg, 70 kg, 80 kg & +80 kg.
Ki kyrdan jingkhia naka bynta ki nongïalehkai kiba don jingduna ha ki dkhot met (Para) ki long 55 kg, 65 kg, 75 kg & +75 kg ha ka liang ki shynrang, katba 65 kg & +65 kg ha ka liang ki kynthei. Ha ka liang ki shynrang ki long 60 kg, 70 kg, 80 kg, 90 kg & +90 kg, katba ha ka liang ki kynthei ki long 65 kg & +65 kg.
Ha ka liang ki nongïalehkai kiba don jingduna ha ka jingpeit bad jingsngap jong ki shynrang ki long 60 kg, 70 kg, 80 kg, 90 kg, 100 kg & +100 kg, katba ha ka liang ki kynthei ki long 60 kg, 70 kg & +70 kg.
Ka por ban thew jingkhia kan long ha ka 12 tarik naduh ka por 10 haduh 1 baje janmiet ha madan Malki, katba ki jingïalehkai kin long ha ka 13 bad 14 tarik. Katba ka long kat kum ka jingpyllait khubor da u Hubert Lyngdoh Nonglait, Information Secretary ka MAWA.
