Jowai, Nohprah 10
Ka National People’s Party (NPP) Ïawmusiang Unit kan pynlong ïa ka jingïakop mareh ba la tip kum ka Cross Country Race halor ka phang “Say No to Drugs” ha ka 21 tarik mynta u bnai naduh Lad Nangbah haduh madan Jrisaleiñ Chutwakhu, Jowai.
Ka por ban ai jingtip kan long 6 baje mynstep bad ka por mareh kan sdang 6.30 baje mynstep.
Kat kum ka kyrwoh ba la pyllait da u Heimanioo Lamare, Convener ka NPP Ïawmusiang Unitla ong ba ka tarik khatduh ban pynrung kyrteng kan long ha ka 18 tarik mynta u bnai haduh 4 baje janmiet khlem donkam bai rung. Ka khusnam ha kane ka jingïakop mareh kan long da ka song pisa kaba T.10,000 ïa kiba wan nyngkong, T. 5000 ïa kiba wan ba-ar bad T.3000 ïa kiba wan ba lai. Ïa ki jingtip kiba kham bniah lah ban phone ha ki number 7628865792, 8730054055, 7005942679, 6009893601 & 8837489662.
