Jop ka Pamtbuh ha ka Super, ka FB Satpator ha ka Lower Division

Ha ka jingïalehkai Super Division, ka Pamtbuh SC ka la pynrem noh ïa ka Amlarem Social lyngba ka shi kol ba la thep da u Kyntu Nongwa ha ka minit kaba 50.

Amlarem, Nohprah 11

Ka Pamtbuh SC ka la ïoh jingjop ha ka Super Division, katba ka FB Satpator ka la jop ha ka Lower Division Football Tournament ba la pynïaid da ka Amlarem Sub Divisional Sports Association (ASSA) ha ka sngi Balang ha Mini Stadium Ladjaplem.

Ha ka jingïalehkai Super Division, ka Pamtbuh SC ka la pynrem noh ïa ka Amlarem Social lyngba ka shi kol ba la thep da u Kyntu Nongwa ha ka minit kaba 50.

Haba phai sha ka Lower Division, ka Fresh Blood Satpator ka la jop da 2-0 kol pyrshah ïa ka Langshiang Amsyrwai. Ïa kine kol la thep da u Pherki Talang (19) bad Beloved Talang (47).

Ar tylli kiwei pat ki jingïalehkai ki la kut da kaba ïakhaid khlem don mano-mano ban ïoh pynkhih jar, kata ka Ryntih Amsohrhong pyrshah ïa ka Twah U Sdiah bad ka Traki Mawngap ïa ka Nongbareh Lyntiar.