Mynta yn sdang ka jingjied nongïalehkai phutbol ka NDSA

Shuh shuh u la ong ruh ba ka tarik ban jied ïa ki nongïalehkai kan long ha ka 12 bad 13 tarik mynta u bnai naduh ka por 10 baje mynstep ha madan NDSA, Nongpyndeng.

Nongstoin, Nohprah 11

Ka Nongstoiñ District Sports Association (NDSA) sa shisien pat kan pynlong ka jingjied ïa ki ‘rang bad ki ‘thei ïalehkai phutbol na ka bynta ban sei ïa ki kynhun ïalehkai ban mihkhmat ïa ka District sha ka 6th Meghalaya Game ka ban long ha Jowai ha u Kyllalyngkong jong u snem 2025.

U Bah Mountain Gordon Marngar, General Secretary ka NDSA ha ka kyrwoh khubor u la ong ba NDSA ka pynbna ban pynlong ka jingjied ïa ki nongïalehkai phutbol ha ka kyrdan ki ba la kha hadien ka 31/12/2009 bad shynrang kin dei ki Under-17 kiba la kha hadien ka  01/01/2009.

Shuh shuh u la ong ruh ba ka tarik ban jied ïa ki nongïalehkai kan long ha ka 12 bad 13 tarik mynta u bnai naduh ka por 10 baje mynstep ha madan NDSA, Nongpyndeng.

U Bah Marngar u la kyntu ruh ïa baroh ki ‘rang bad ki ‘thei don sap ha ka kam ïalehkai phutbol ki ban wan sha kane ka jingjied  kin sngewbha ban wanrah  ruh ïa ki kot ki sla kum ka Original Birth certificate, bad ki Orginal Aadhar.