Pyllait ka MCA ïa ki 26 ngut kyrteng jong ‘thei ïalehkai sha ka prokram jied kaba khatduh

Ka por ai jingtip ha ka sngi nyngkong jong ka prokram kilanmet ha ka sngi kaba bud kan long ha ka por 7 baje mynstep.

Shillong, Nohprah 11

Ka Meghalaya Cricket Association (MCA) ka la pynbna ïa ki 26 ngut kyrteng jong ki ‘thei ïalehkai ki ban leit sha ka jingpyrshang jong ka jingjied kaba khatduh (final selection trial) na ka bynta ka kynhun ki ‘thei ïalehkai U-23 ka Jylla.

Kane ka kynhun ïalehkai U-23 ka la ïashim bynta ha ki jingïalehkai jied ryngkat bad ki ‘thei ïalehkai kiba la kham rangbah ha Jagiroad, Assam, dangshen mynta u snem bad ïa ka thup ba la jied kat kum ka jinglah ban pynpaw ïa ka jingtbit ka jong ki ha kitei ki jingïalehkai.

Ka Final Selection-cum-Prepatory camp na ka bynta ka U-23 Women’s T20 Trophy 2024-25 jong ka BCCI kan long ha ka 14 haduh 16 tarik mynta u bnai ha madan MCA ha Polo, Shillong. Ki nongïalehkai ki dei ban don ha ka 13 tarik mynta u bnai ha Shillong. Ka por ai jingtip ha ka sngi nyngkong jong ka prokram kilanmet ha ka sngi kaba bud kan long ha ka por 7 baje mynstep.

Ki kyrteng ki ‘thei ïalehkai ki long ka Blaridahun Dkhar, Smillin N Sangma, Aanchal Singh, Sistilin Ryntathiang, Saradafica Kharbani, Suruti Kumari Ray, Rikmanchi Sangma, Aribajanai Myn-song, Ankita Sharma, Neelam Roy, Emisakani Warjri, Indariakor Kharwan-niang, Ibajanai Wanniang, Dubleen D Nengnong, Evanki Passah, Ridahun Nongsiej, Rubi Chettri, Monica L Phawa, Monycable Marbaniang, Full-nessy Mawlong, Darisha Wahlang, Lanosha Diengdoh, Mercia Able Dhar, Teiiameris Wahlang, Mansi Anand bad ka Ritreki Pohshna.  Ki coach ki kynthup ïa ka Deepali C Patkar (Head Coach), Marty Mustafa (Assistant Coach), Apurva D Nadkarni (Trainer) bad ka  Sushma Thapa (Physio).