Pynliem ka Heibor-Ïongi ïa ka Kdohkule, ïoh hat-trick u Embolden

Ha kane ka jingïakhun u Embolden Phawa u la thep kol ha ka minit 14, 32, & 36, katba ïa kiwei pat la thep da u Alwin Phawa ha ka minit 22 bad 51.

Jowai, Nohprah 11

U Embolden Phawa u la ïoh da ka hat-trick na ka bynta ban pynlong ïa ka Heibor-Ïongi FC ba kan ïoh jingjop ha ka ‘Thadlaskeiñ Football League 2024-25’ ba la pynïaid da ka Thadlas-keiñ Sports Association (TSA), hadien ba ka la lah ban pynliem noh ïa ka Kdohkule da 5-0 kol ha ka Sngi Balang ha madan Wahïajer Stadium.

Ha kane ka jingïakhun u Embolden Phawa u la thep kol ha ka minit 14, 32, & 36, katba ïa kiwei pat la thep da u Alwin Phawa ha ka minit 22 bad 51.

Haba phai sha kiwei ar tylli  ki jingïalehkai, ki la kut ha ka jingïakhaid khlem don ba lah ban thep kol hapdeng ka Tympang SC pyrshah ïa ka United FC bad ka Lumkynsaw ïa ka Ïawtymblein.

Kane ka lympung kan bteng biang ha ka sngi Palei ha kaba ka jingïalehkai kan long hadpeng ka Youngstar Namdong pyrshah ïa ka United Phyllongingkhaw ha ka por 10 baje mynstep, kumjuh ka Nongkhroh rim pyrshah ïa ka Lumsyrtoh ha ka por 12 baje mynsngi bad ka Maya SC A ïa ka Madur SC ha ka por 2 baje nohphai sngi.