Khliehriat, Nohprah 13
Ka Jalaphet Pyrdung ka la jop pyrshah ïa ka Mulait United FC ha ka semi-final ne qualifier round jong ka jingïalehkai Super Division Football Tournament ba la pynïaid da ka Saipung Block Sports Association (SBSA).
Ha ka jingïalehkai semi-final kaba la long ha madan Lamyrsiang ha ka Sngi Thohdieng ka 13 tarik Nohprah, ka Pyrdung SC ka la pynliem ïa ka Mulait United FC da 3-1 kol.
Ïa ki kol jong ka Pyrdung SC la thep da u Ker Syrti (11), Rahul Bareh (12) bad Phrangsngi Pakem (37). Katba ka shi kol jong ka Mulait United la thep da u Sengouthang Tuboi (9).
