Khliehriat, Nohprah 13
Ka Thangskai Tiger SC ka la rung sha ka final jong ka Super Division ba la pynïaid da ka East Jaiñtia District Football Association (EJHDFA) hadien ba ka la lah ban pynliem da 2-1 kol ïa ka Rymbai Shkenshynriah ha ka qualifier 2 kaba long ha madan artificial turf Diengshynrum ha ka Sngi Thohdieng ka 13 tarik Nohprah.
Da kane ka nam jop ka Thangskai Tiger SC kan aireng pyrshah ïa ka Dhana SC ha ka jingïakhun final ka ban long ha ka 19 tarik Nohprah.
Haba phai sha ka jingïalehkai ha ka por kaba la buh ka jingïakhun ka la kut da kaba ïakhaid mar 1-1 kol. Kumta dei tad haduh ka extra time, ka Thangskai Tiger ka la ïoh ban thep ha ka minit kaba 108 minit lyngba u Longprem Dera kaba dei syndon ka kol jingjop.
Shuwa kane ka Thangskai Tiger ka la ïoh thep kol lyngba u Solomon Sympli (17), katba ka Shkenshynriah ka la ïoh ban pynïakhaid lyngba u Fairdyson Bareh (69).
