
Shillong, Nohprah 15
Ka Pay For Right Football Academy ka la wanphai da ka jingjop ha ka lympung ïalehkai Women’s Football League 2024, hadien ba ka la pynliem noh ïa ka Kharang SC da 6-0 kol ha ka sngi Saitjaiñ.
Kane ka nam jop ka la wan urlong lyngba ki hat-trick na ka Jennefair Wahlang bad ka Nisilia Majaw na ka bynta ban ïoh lai poiñ.
Ha katei ka jingïakhun kaba la long ha Madan 3rd Ground, Polo, ka Jennefair ka la thep ha ka minit kaba 16, 36 & 42, katba ka Nisilia Majaw ka la thep ha ka minit kaba 31, 44 & 62.