Jop ka Jarain ha ka Super, Amkoi & Sohlawiat ha ka Upper Division

Haba phai sha ka Upper Division, ka Amkoi SC ka la jop da 1-0 kol ïa ka Man ibha. Kane ka la wan urlong lyngba u Luckynine Pohlong uba la thep ha ka minit kaba...

Amlarem, Nohprah 15

Ka Jarain SCC ka la ïoh jingjop ha ka lympung ïalehkai Super Division, katba ka Amkoi SC bad Sohlawiat SCC ki la jop ha ka Upper Division Football Tournament ba la pynïaid da ka Amlarem Sub Divisional Sports Association (ASSA) ha ka sngi Saitjaiñ ha Mini Stadium kaba ha Ladjaplem.

Ha ka jingïakhun jong ka Super Division, ka Jarain SCC ka la liem noh ïa ka Seinbhalang Shkyntalang lyngba ka shi kol ba la thep da u Ridiyam Pohleng ha ka minitk kaba 47.

Haba phai sha ka Upper Division, ka Amkoi SC ka la jop da 1-0 kol ïa ka Man ibha. Kane ka la wan urlong lyngba u Luckynine Pohlong uba la thep ha ka minit kaba 15.

Ha ka jingialehkai kaba bud, ka Sohlawiat SCC la jop da 2-1 ïa ka Psadwar SC. Na ka Sohlawiat la thep da u Fullme Khongiong (45 & 50), katba na ka Psadwar la ïarap pynthep da u rangïalehkai ka liang pyrshah u Meker O Buam (10).