Leit shim bynta ka kynhun ki nongsiat khnam ka Jylla sha ka Senior National Archery C’ship

Ka kynhun ïalehkai siatkhnam ka Jylla ka la mih na ka nongbah ban leit shim bynta ha ka 31st NTPC Senior Indian Round, 44th NTPC Senior Recurve & 20th NTPC Senior Compound National (M&W) Archery...

Shillong, Nohprah 15

Ka kynhun ïalehkai siatkhnam ka Jylla ka la mih na ka nongbah ban leit shim bynta ha ka 31st NTPC Senior Indian Round, 44th NTPC Senior Recurve & 20th NTPC Senior Compound National (M&W) Archery Championship ka ban long ha Jamshedpur, Jharkhand naduh 15 haduh 20 tarik mynta u bnai.

Ki nongïalehkai ha ka Indian Round ki long u Kitboklang Pasi, Donkupar L.Shadap, Manchua Pyrbot bad u Wanpynskhem Marweiñ, katba ha ka liang ki kynthei ki long ka Shongkhiahshisha Kharpan, Aifida Kharsohphoh, Ibanisha Ryntathiang bad ka Aitilin Paliar.

Ha ka Recurve ki long ka Hypormi Wanñiang, Devraj Mohapatra, Vivek Sunar bad u Amebalaker Wanñiang, katba ha ka liang ki kynthei ki long ka Navidisha Kapoor, Damandashisha Pasi bad ka Daphishisha Marngar.

Ha ka Compound ki long u Phermiki Salahe, Rijop M.Sangma, Raju Kumar Rai bad u Libarles K.Sohphoh, katba ka Adorable Wanñiang ka la long tang marwei ha ka liang ki kynthei.

Ïa kane ka kynhun la ïalam da ka Coach Archery jong ka tnat ïalehkai ka Sorkar Jylla ka Kong Bansaralin Dhar, kumjuh ka A.S. Mercy (Head coach Khelo India State Centre of Excellent) bad Manager u Jag Prasad Thapa.