La pynkut noh ïa ka 1st Meghalaya United Taekwondo C’ship

Ka United Taekwondo Academy hapoh ka jingkhmih jong ka Meghalaya Taekwondo Association ka la pynkut noh ïa ka lympung ïalehkai ba la tip kum ka 1st Meghalaya United Taekwondo Championship ha ka Sngi U Blei...

Shillong, Nohprah 16

Ka United Taekwondo Academy hapoh ka jingkhmih jong ka Meghalaya Taekwondo Association ka la pynkut noh ïa ka lympung ïalehkai ba la tip kum ka 1st Meghalaya United Taekwondo Championship ha ka Sngi U Blei ha Indoor Hall kaba don ha JN Sports Complex, Polo.

Ha kane ka lympung ïalehkai kaba kynthup ïa ka sub-junior bad cadet la sdang ha ka sngi Saitjaiñ da ka jingwan shim bynta kumba 300 ngut ki nongshim bynta na kylleng ka Jylla.

La plie ïa kane ka lympung da u Bah Christopher Rani ryngkat ka jingdon lang u President jong ka MTA u Mathew Momin, u General Secretary ka MTA Sir Jadumoni Singh, kumjuh ka President ka United Taekwondo Academy ka Kong Victoria Sohbha, General Secretary Kong Isabella Sohbha nalor kiwei pat.