‘Nga kwah ban long uba khraw tam na ki por baroh’, pynpaw u Gukesh ïa ka lawei ka ban wan

U Carlsen, uba la jop san sien ha ka pyrthei, khlem artatien u la pynskhem ïa la ka jong ka pateng kum u nongïalehkai chess uba kynsai.

Shillong, Nohprah 16

U Grand Master jong ka ri India uba dang 18 snem ka rta, dangshen u la lah ban pynliem noh ïa u Grand Master jong ka China u Ding Liren ha ka jingïakhun kaba la neh haduh 14 sien ha ka World Chess Championships, u la long uba dang thymmai tam ban thaw ïa ka khana pateng ha ka jingïalehkai chess ha ka Sngi Palei.

Lyngba katei ka jingjop, u Gukesh u la long u Grand Master ba dang 18 snem ka rta bad ruh ban long uba ar napdeng ki nongïalehkai jong ka ri India hadien u Viswanathan Anand ban rah ïa ka nam lahduh ha ka pyrthei.

Pynban na ka bynta u Gukesh, ka jingthrang ka long ban nang ïai kiew shaphrang ha ka kam ïalehkai. Une nongïalehkai ka ri India u la don lypa ka jingmut halor ka sienjam ban shim ha ka lynti kaba dei ban pynurlong ïa kata bad ruh ban ïakhun pyrshah ïa u Magnus Carlsen.

U Carlsen, uba la jop san sien ha ka pyrthei, khlem artatien u la pynskhem ïa la ka jong ka pateng kum u nongïalehkai chess uba kynsai. Hynrei, une u nongïalehkai na Norway u la long uba kham biang jong ka FIDE bad khamtam eh, ïa ka World Championship bad ban rah nam lahduh ha u snem 2022, da kaba pynpaw ba um shym la don jingthmu ban ïada ïa ka.

Kumta, haba la kylli shaphang ka jingkyrmen ban ïakhun pyrshah ïa u nongïalehkai ba pawnam jong ka Norway, u Gukesh u la ong ba u long uba kynsai tam. Une u samla uba la khur jingjop ha ka pyrthei um shym la sngewthuh bakla ban phah ïa ka khubor jong u.

“Nga tharai baroh ngi tip shano u Magnus u don ha kane ka por. U la pynpaw shai bha ba um sngewtynnad ïa kane ka rukom ïalehkai (classic), lane ïa ki jingïalehkai World Championship,” la ong u Gukesh ha ka jingïakren bad ka FIDE hadien ba u la jop ïa ka jingïalehkai ha ka pyrthei.

“Hynrei, ha lade, kum u nongkyrshan ïa ka jingïalehkai chess bad u briew uba kwah ban pynjanai ïalade, ngan sngewtynnad lada u Magnus u rai ban wan phai biang. Kan long ka jingeh kaba khraw tam kaba nga lah ban ïakynduh. U long uba bha tam bad lehse uba khraw tam ha ki por baroh.”

Te, kane ka lah ban long ka jingphohsniew kaba jngai ban bat ïa u Gukesh, namar dangshen u Carlsen u la pynpaw biang ïa ka jingbym sngewtynnad jong u ban leh kumta, da kaba ong, “Ngam dei shuh ka bynta jong kane ka circus.”

Hynrei, ka pansngiat jong u nongjop ha ka pyrthei kam pat biang ïa u Gukesh. Ha ka jingshisha, u kwah ban pynhap khet ïa u Carlsen. Balei? Namar kumba ngi baroh ngi tip, ban long uba bha tam, phi hap ban jop ïa uba kynsai tam.

“Ka dei ka jingangnud jong nga. Kum u khynnah, nga kwah ban long u nongjop ha ka pyrthei namar nga pyrkhat ba kata ka mut ba nga dei u nongïalehkai uba tbit tam ha ka pyrthei. Mynta, ka dang long ka jingjop kaba khraw. Hynrei, ka thong ba kongsan jong nga ka la long ban long uba bha tam ha ka pyrthei, bad ban ïoh ïa ka jinglah kaba pura jong nga. Lada kata ka biang ban long uba khraw tam ha ki por baroh.