Hooid baroh ngi don jingkyrmen, kata ka jingkyrmen jongngi ki briew ba ynda ngi la ïap ngi ïoh leit sha ka Hima u Blei. Hynrei ka jingkyrmen jongngi ki briew kam ju ïa dei bad ka mon ka jong u Blei. Balei nga ong kumne?
Namar haba ngi ïohi ïa ka ktien u Blei ka hikai kaba long markhongpong bad ka jingthmu jongngi ki briew. Namar haba nga wad ïa ka jingshisha nga shem ha ka Gospel u Mathaios ka ong, nga uba u Blei u Abraham bad u Blei u Isaak bad u Blei u Jakob ruh, u Blei um long u Blei kiba ïap hynrei jong kiba im (Math 22 : 32). Kane ka pynshisha ba kiba la ïap kim don Blei shuh. Wat la ngi kyrmen katno katno ruh ba ngi ïoh ïa u Blei.
Shisien ba la ïap ngi la duh noh ïa u Blei. Namar ka ktien u Blei ruh ka ong ka dak jong ka pop ka long ka jingïap. Ha nga, ngi dei ban sngewthuh ba haba ngi la ïap ngi la duh noh ïa u Blei ne u Mynsiem ha ka jingim jongngi.
Namar u Blei um don shuh bad kiba la ïap lano lano ruh. Ka jingïap kam ju map ïano ïano ruh wat la phi khlaiñ bor ne phi tlot bor katno katno ruh. Ka jingïap ka rat naphang kieñ ïa ngi ki briew bad ïa ki kynja ba im baroh. U Blei ne u Mynsiem u don tang ha kaba dang im.
C. B. Iawphniaw
