Shillong, Nohprah 18
Ka Ministry of Communications lyngba ka Department of Posts, Government of India ha ka sngi Balang ka 18 tarik u Nohprah 2024, ka la pyllait paidbah ïa ka postal stamp jong u myllung Soso Tham ha ka lympung rakhe kynmaw tympang ïa une u riewkhraw ha skulbah NEHU hakhmat u mot dur jong u.
Hadien ki postal stamp jong u Pa’iem Tirot Sing bad u Woh Kiang Nangbah, ka Meghalaya Division jong ka Tnat Ïing Dak ka la ithuh sa ïa u myllung Soso Tham kum u ‘riewkhraw u ‘riewshemphang ka pyrthei.
Ki postal stamps ki phriang ym tang ha Ri Khasi ne ha India hynrei ki poi ruh sha kylleng satlak ka pyrthei. Kumta halor kane, la kyrpad ïa ki para Khasi ba nangne shakhmat haba ki leit ha GPO ban phah kino-kino ki kot ki sla donkam ba kin thied da ka stamp u Soso Tham lane Tirot Sing lane Kiang Nangbah.
La pyllait paidbah ïa kane ka postal stamp da ka Anjali Varma (Senior Superintendent of Posts, Postal Department, Meghalaya Division) bad u samla Lambok Starwell Marngar (President KSU).
