Kane ka long ka jingsnem jongnga haba nga pule ïa ka ktien u Blei (Baibl). Kum ki briew ngi lah ban long kiba nang ban kren bad kiba pnah thylliej katno katno ruh hynrei ym don uwei ruh u ban lait na ka pop. Ngi lah ban long ki nongïalap niam kiba pynphriang ïa ki khubor ba bha, kum ki pastor, ki phadar bad ki tymmen basan ha ki balang bapher bapher hynrei ym don kiba lait na ka pop.
Ngi lah ban long ki nongkhaïi kiba tbit, ki nongtong dohkha kiba tbit, ki nongrep kiba don sap ban rep, ki nongkiew lum kiba tbit, ki nongknia kiba tip ïa ka khia ka shon bad ki nongkren byrthong kiba nang hynrei ym don wat uwei ruh u ban ïoh lait im na ka pop, namar katkum ka ktien u Blei ka ong, ym don uba hok, em, ym don uwei ruh, ym don uba shemphang ym keiñ uba wad ïa u Blei (Rom 3 : 10 – 11). Namar ka pop ka dei ka jingïap keiñ.
Kumta kum ki briew ym don kiba lait na ka jingïap da lei lei ruh. Namar ka bainong ka pop ka long ka jingïap (Rom 6 : 23). Baroh ngi ki briew kiba long niam ne ki bym long niam ruh ym ban lait na ka pop ne ka jingiap.
C. B. Iawphniaw
