Washington, Nohprah:
Katkum ki khubor, la ong uwei u nong India uba la ithuh kum u Kirtan Patel (24), u la shah pharep don kti halor ka jingialam bakla bad pynngop ia kawei ka khynnah rit ban leh ia ki kam awria ha ka rta kaba dang rit bad ka bym pat bit ban don bynta ha kitei ki kam rangbah, la ong u nongïasaid aiñ jong ka US ha ka Sngi Balang.
Shuh shuh na ka liang jong u Patel, uba long u nongshong shnong ka Florida, la ong ba u lah ban shah pynngat ha ki kyndon pynkheiñ aiñ bad ki jingpynshitom kiba eh kaba duna eh kan long 10 snem ban shong ha patok namar katei ka kam be-aiñ kaba u la leh pyrshah ia katei ka khynnah kynthei kaba dang 13 snem ka rta.
Namar la ong ba katkum ki jingiakut hapdeng jong u Pael bad katei ka khynnah ha ki 22 bad 24 tarik jong u bnai Jymmang, u Patel u la ïakren lyngba ka online bad katei ka briew kaba u ngeit ba ka dei ka khynnah kynthei kaba dang 13 snem ka rta.
Hynrei, u Patel um shym la poi pyrkhat ba katei ka khynnah kaba dang 13 snem kaba u iakren online ha kaba u la khroh-kjor ban ialeh kam awria bad u, u dei pynban da uwei u dkhot jong ka tnat syntiat jong ka Homeland Security Investigations (HSI). U Patel u la kren lut ia baroh ki kyntien jali-jaum ban pynbiej ha rukom da ka jingbym poi pyrkhat ba uta uba iakren bad u un dei u dkhot ka tnat syntiat namar katei ka tnat syntiat ka la suba ia u Patel naduh ki por ba la leit bad kumta ka la phah bud-dien bad phah syntiat da ki briew jong ka khnang ban lap ia ka jingshisha la utei u briew u long shisha ne em kumba ki suba bad ioh jingtip baroh shi katta.
