Kum ki riewngeit Khristan ngim ju die jingdie lane plie dukan ha ka Sngi U Blei. Hynrei ngi shu leit siew leit tda lane leit thied jingthied lada don kiba die bad plie dukan. Kane ka long ka jingïohi hangne hapoh ri jong ngi. Bun ki dukan kim plie bad kim die jingdie ha ka Sngi U Blei (Sunday) lait noh kiwei ki jait niam bad kito ki bym longniam.
Ka ri jongngi kaba burom bha ïa ka Sngi U Blei lane ka Robibar. Ki ñiew kyntang namar ka long ka sngi ïaroh bad pyndonburom ïa u Blei. Kim ju kham trei ei ei lait noh ki kam bym lah kiar. Lada phi leit sha ïew sha hat ruh ki duna bha ki dukan die jingdie. Katba ki bun kiba shu leit thied jingthied na ki dukan jong kito kiba plie ha ka Sngi U Blei.
Kane ka long kiba trei jingtrei ha ka Sngi U Blei dei tang ka Police Department, ki jaka ai jingsumar (Aspatal) bad ki jaka ai dawai bad ki dukan die sha die ja. Hynrei kiba bun kim ju trei eiei ha ka Sngi U Blei. Namar ka dei kata ka sngi shongthait (Rest day) kaba shisien shi taïew. Kaba die jingdie ha ka Sngi U Blei la ngeit ba ka long pop ha ka jingngeit ki khristan. Hynrei ha ka jingshisha kam long pop ne don jingsniew ei ei. Lada phi die jingdie ha ka Sngi U Blei. Namar ka ktien u Blei ka ong. Ka bit ban ïoh ki kam babha ha ka sngi Sabbaton ruh (Math 12 : 12)
C. B. Iawphniaw
