Shillong, Nohprah 20
Ki nongpynïaid jong ka Meghalaya Cricket Association ki la jied ïa ki kyrteng jong kynhun ïalehkai na ka bynta ka lympung BCCI’s senior men’s one day tournament, ka Vijay Hazare Trophy 2024-25, ha kaba ka Meghalaya kan ïakhun pyrshah ïa ka Himachal Pradesh ha ka jingïalehkai ka ban sdang mynta ka sngi ha Mumbai.
Ka jingjied ïa ki 15 ngut ki nongïalehkai bad kiba pynap lypa da ka Senior Men’s Selection Committee ka dei na ka bynta ar tylli ki jingïalehkai ba nyngkong bad yn bishar bniah katkum ka jinglah ban ïalehkai. Ka jingïakhun kaba ar jong ka Meghalaya kan long pyrshah ïa ka Railways ha ka 23 tarik Nohprah. Kumba long ha ka lympung ïalehkai T20 ba la dep, kata ka Syed Mushtaq Ali Trophy, ka Meghalaya kan pyndonkam da ka kynhun ïalehkai ba don baroh ki nongïalehkai khlem da don ki nongwan ïalehkai sngewbha nabar jong ka kynhun.
U Akash Kumar Choudhary, ‘pace bowler’ ba pawnam jong ka Meghalaya un long u kapten jong kane ka kynhun. U symbud kapten un long u Lerry G Sangma. Ka kynhun ka kynthup ïa ki nongïalehkai ba la tbit bad ki samla ba dang thymmai na ki kynhun ïalehkai jong ka jylla kiba ïahap rta.
Ka kynhun ïalehkai jong ka Meghalaya: U Arien Bonchang Sangma, u Arpit Bhatewara (WK), u Lerry G Sangma (VC), u Roshan Warbah, u Kishan Lyngdoh, u Md Nafees Siddique, u Robert Sangma, u Riboklang Hynniewta, u Akash Kumar Choudhary (C), u Himan Phukan, u Nishanta Chakravarty, u Aryan Borah, Adarsh Joshi, Ibitlang Thabah, Swarajeet Das
Ki ‘Standbys’: U Pringsang Sangma, u Wanlambok Nongkhlaw, u Chengkam Sangma, u Pankaj Mandal, bad u Yogesh Tiwari
Ki ‘Support Staff’: U Prabhakar Bairgond (Head Coach), u Moisten Ch Marak (Assistant Coach), u Surojit Biswas (Physio), u Vikash Singh Chauhan (Trainer), bad u Amit Singhania (Manager)
