Shillong, Nohprah 22
Ka Laitkor SC ka la pynjem khnap ïa ka Madanrting SC haduh 14-0 kol ha ka Women’s Football League 2024 ha ka sngi Saitjaiñ bad ka Ïaraplang Nongrum ka la ïoh hat-trick.
Ha kane ka jingïakhun kaba la long ha First Ground, Polo, ki ‘thei ïalehkai ka Laitkor ki la lah ban pynpaw ïa ka jingtbit ha ka rukom ïalehkai namar ka Ïaraplang ka la thep marwei lai kol ha ka minit kaba 44, 58 & 66. Kiwei pat ki ‘thei ïalehkai kiba la thep mar ar kol ki long ka Ibashisha Khongwet (9 & 24), Daïamon Makroh (27 & 32) bad ka Tracy Rympei (3 & 42). Katba ïa ki shi kol la thep da ka Ribahunshisha Kharshiing (4), Darishisha Kharlyng -doh (7), Sanfida Nongrum (16), Phisarai Marngar (47) bad ka Susimary Lyngdoh (62).
Ha kawei pat ka jingïakhun ba ar, ka Rangdajied United FC ka la jop da 2-0 ïa ka Smit SC. Kane ka la wan urlong lyngba ki ar kol ba la thep da ka Inri-La-I-Da Khongthaw (51) bad ka Ideibanri Kharpan (65).
