Shillong, Nohprah 29
Ki konstitwensi ha ka ilekshon MDC lada ïanujor ki long kiba rit palat ha Jaiñtia Hills Autono-mous District Council (JHADC), katba ha Khasi Hills Autonomous District Council (KHA-DC), ki konstitwensi ki ïaryngkat bad ki konstitwensi MLA.
Ha kane ka ilekshon ka ban sa long ha u bnai Rymphang jong u snem 2025 ban jied thymmai ïa ki dkhot sha ka ïingdorbar KHADC bad JHA-DC, ka don ka jingïapher hapdeng ki konstitwensi kiba hap hapoh KHADC bad ki konstitwensi kiba hap hapoh ka JHADC.
Ha KHADC, ki konstitwensi kim da ïapher ha ka jingdon jong ki nongthep ‘vote’ kum ha ka ilekshon MLA. Ka jingdon ki nongthep ‘vote’ ka jan long mar katjuh ha ka ilekshon MLA bad ilekshon MDC.
Hynrei ha JHADC, ki konstitwensi ha ka ilekshon MDC ki long kiba rit bha namar kawei ka konstitwensi MLA ka don palat 2 tylli ki konstitwensi MDC bad ki don ki konstitwensi kiba don palat 3 tylli ki konstitwensi.
Ka JHADC ka don 29 tylli ki konstitwensi bad ka KHADC ruh ka don 29 tylli ki konstitwensi hynrei ka jingheh ki konstitwensi ha KHADC ka long kum ha ki konstitwensi MLA. Ha KHADC la jied beit thik kumba jied ïa ki nongmihkhmat na ki 29 tylli ki konstitwensi, katba ha JHADC pat la jied ïa ki 29 ngut ki MDC tang na ki 7 tylli ki konstitwensi MLA, kaba la ïapher bak-ly-bak.
Ka JHADC ka don tang 483 tylli ki jaka thep ‘vote’, katba ka KHADC ka don 1798 tylli ki jaka thep ‘vote’. Baroh ki jaka thep ‘vote’ ha KHADC bad JHADC ki long 2281 tylli.
