Shillong, Nohprah 29
Ka lympung ïalehkai First, Second bad Third Division Football Tournament ba la pynïaid da ka Tyr-sad Area Sports Associa-tion (TASA) ka la poi artad sha kaba kut ha kaba ïa ki jingïakhun final yn pynlong ha ka Lah Sngi U Blei ha madan Tyrsad.
Ka jingïakhun final jong ka Third Division hapdeng ka Mawsawrit SC pyrshah ïa ka Nongthymmai Neng SC (por 10 baje mynstep), kumjuh ha ka Second Division, ka Mawkynroh SC pyrshah ïa ka Mawdngong SC (por 11: 30 mynstep), katba ha ka First Division, ka Maw-lum Tyrsad SC ïa ka Wahlyngkien Sunei SC (por 2 baje nohphai sngi).
Ha kaba ïadei bad ka jingïakhun semi final jong ka 2nd Division kaba la long ha ka 27 tarik, ka Mawkynroh ka la pynliem noh ïa ka Phanniewlahrum SC da 2-0 kol.
Haba phai sha ka First Division la jop da ka Wahlyngkien Sunei SC lyngba ka tie-breaker da 6-5 kol ïa ka Mawponghong SC.
