Shillong, K’Lyngkot 03
Ka lympung ïalehkai Third Division Cricket League 2024-25 ba la pynïaid da ka Shillong Cricket Association (SCA) ka la nangjam shaphrang ha kaba ka New Warriors bad ka Laimer CC ki la ïoh jingjop ha ka sngi Thohdieng.
Ïa kane ka lympung la sdang naduh 20 tarik u Nohprah 2024 ha madan Urkaliar, Shillong.
Ha ka jingïakhun kaba nyngkong, ka New War-riors ka la pynliem noh ïa ka Jong Ngi CC da 8 wiket. Ka Jong Ngi CC kaba la kam trai ban tied nyngkong, ka la kamai 102 run bad shah pynhap 10 wiket ha ki 20 over. U Synshar u la tied 26 run na ki 30 bol bad u Ajay u la ïoh 23 run na ki 23 bol. Katba u Arun bad u Anuj ki la khur 4 bad 3 wiket na ka bynta ka New Warriors.
Haba wan shimti ïa ka pali kaba ar ka New Warriors ka la h ban kynjop sha ka thong da 103 run bad shah pynhap 2 wiket ha ki 12.4 over. U Arvind u la lah ban ïalehkai bha da kaba kamai ï aka shiteng spah run kaba 61 run na ki 37 bad u Pratap u la ïoh 20 run na ki 26 bol. Katba u Anil bad u Ïohbor ki la khur mar shi wiket n aka bynta ka Jong Ngi. Ïa ka nam Player of the Match la khur da u Arvind jong ka New Warriors.
Haba phai sha kawei pat ka jingïakhun kaba ar, ka Laimer CC ka la jop da 45 run ïa ka Shillong Press CC. Ka Laimer kaba la shimti ban tied nyngkong, ka la kamai 137 run bad shah pynhap 10 wiket ha ki 19.1 over. U Settlelight u la tied 33 run na ki 35 bol bad u Malcolm u la ïoh 23 run na ki 21 bol. Katba u. Donbok u la shim 5 wiket bad 2 wiket da u Nibbas.
Haba wan beh ïa ka thong, ka Shillong Press Club ka la kamai tang 92 run bad shah pynhap 10 wiket ha ki 18.0 over. U Dinesh u la tied 22 run na ki 27 bol. Katba u Setllelight bad u Malcolm ki la shim mar 3 wiket na ka bynta ka Laimer. Ïa nam Player of the Match la ïoh da u Settlelight.
