Jowai, K’Lyngkot 03
Kum shi bynta ban pynkhreh ïa ka 6th Meghalaya Games 2025 ha Jowai bad Wahïajer, u MLA ka Jowai, Bah Wailadmiki Shylla u la pynlong ka jingïalang hapdeng ka tnad treikam jong ka State Sports Council of Meghalaya bad ki kontrak kiba pyntrei ïa ki kam ki jam na ka bynta ban pynbiang ïa ki jingtei bad maramot ba har rukom ha kylleng ka sor Jowai.
Ha katei ka jingïalang kaba la long ha ka 30 tarik u Nohprah 2024, la ïakren na ka bynta ban pynbiang ïa ki jaka sah bad ki jaka ïalehkai ha Jowai, ha kaba ki kam ki la ïaid shaid-shaid.
Na ka liang u MLA ka Jowai u la ong ba ka jingpynkhreh ka la ïaidshaid-shaid bad shi taïew shuwa ban sdang yn pynbiang ïa baroh ki jingdonkam.
Kane ka lympung kan sdang ha ka 21 tarik mynta u bnai, kaba long ruh artad ka lyngkhuh sngi ba ka Jylla ka la ïoh ïa ka jylla ba pura ba la tip kum Meghalaya Day.
