Shillong, K’lyngkot 05
Saw tylli ki trok kiba la kit ïa ki mar be-aiñ kiba shongdor T.28 lak ki la shah kurup noh ha ki shipai BSF kiba pahara ha ka thaiñ khappud jong ka ri India- Bangladesh ha Lalghat BOP, East Khasi Hills ha ka sngi Saitjaiñ.
Nalor ka jingïoh kurup la ïoh kem ruh ïa uwei u nongshong shnong ka ri India ha ka jingpyrshang ban khaïi be-aiñ.
Ki BSF ki la ïoh kurup ïa ka kyiad, slasha, dohkha, ktung, sabon, rynsun, ki nep bad kiwei kiwei da ka jingthmu ban khaïi be-aiñ. U Briew uba la shah kem ryngkat bad ki mar kiba la ïoh kurup la aiti noh sha ki bor ka Custom ba kan leh shuh shuh ïa kaba donkam.
