Shillong, K’lyngkot 07
U Secretary ka Megha-laya Athletic Association (MAA), Bah Finely Pariat u la shah thung kum Joint Secretary ka Athletics Federation of India (AFI) ha ka ilekshon kaba la long ha ka 7 bad 8 tarik mynta u bnai ha Chandigarh.
Kane ka long ka sien kaba nyngkong eh napdeng ki dkhot jong ka MAA ban shah jied kum ki dkhot hapoh katei ka synjuk ïalehkai jong ka ri.
Ïa katei ka ilekshon la pynïaid da u Chief Justice ba la shongthait jong ka Punjab High Court, ha kaba la thung President ïa u Bahadur Singh, Senior Vice President ïa u Anju Bobby George, kiwei pat ki Vice President ki kynthup ïa u Abu Metha, Jayanta Malla Baruah bad u A.K. Sharma. La thung Secretary ïa u Sandeep Mehta, Senior Joint Secretary ïa u S. Srinibas Patnaik.
Ki don lai ngut kiba la shah thung kum ki Joint Secretary, kita u Sharat Chandra Singh, Jyotirmoyee Sikdar bad Bah Finley L. Pariat bad Treasurer ïa u B.E Stanley Jones. Ki Executive Council Members ki long u Harjinder Singh Gill, Sharda Devi Jadam, Priyanka Bhanot, Rachita Mistry, A. Rajavelu bad u K. Sarangapani.
