Shillong, K’lyngkot 08
Ar ngut ki samla ki la shah kem noh ha ki pulit jong ka Mawsynram bad na kine la ïoh ruh ban kurup noh ïa ki lai tylli arshaka, kiba la shah tuh na nongbah Shillong bad Assam.
Ha ka khubor ba la pyllait da u Superintendent of Police (SP) ka East Khasi Hills, Bah Vivek Syiem la ong ba ki pulit ka Mawsynram katba ki dang pynlong ïa ka jingtalasi kali, ki la ïoh bat ïa ki ar tylli ar shaka kiba la shah tuh na Shillong bad kawei na Assam. La ong ruh ba uwei na ki nongñiah ar shaka u la pyrshang ban phet na ka jingshah talasi bad ha kaba la kthong ïa u, haduh ba u la ieh noh ïa ka ar shaka bad ïoh phet bak.
Ki ar shaka kiba la ïoh kurup ki dei kiba don ïa u registration number AS19-N-8664, ML05-AD-3852 bad ML05-AE-1218. Kine ar ngut kiba la shah kem noh dei kiba la tip kyrteng kum u Sengku M Marak, 24 snem bad u Cornalius Mukhim, 18 snem.
