Shillong, K’lyngkot 09
Ka ‘thei rahnar na Odisha ka Jyoshna Sabab ka la khur ïa ka takma ksiar ha ka Khelo India Asmita Women National Zonal League kaba la long ha ka Sngi Palei ha Brah-mapur, Odisha.
Ha kane ka jingïa-kop, ka Sabab kaba la shim bynta ha ka kyrdan ïalehkai jong ka 40 kilo youth girls category, ka la lah ban rah haduh 118 kilo na ka bynta ban khur ïa katei ka takma. Ïa ka takma rupa la khur da ka K. Ishwariya na Tamil Nadu kaba la lah ban rah 112 kilo bad ïa ka takma rnong la khur da ka Himanshi na Haryana kaba la lah ban rah 103 kilo.
Ha kane ka Inter-Zonal Ranking Tourna-ment la ïoh ban shim bynta tang saw ngut ki nongïalehkai kiba la wan ha ki kyrdan kham shakhmat ha ka Zone-A, B bad C. La pynlong ïa kane ka lympung da ka Sports Authority of India da ka jingthmu ban sei ïa ki nongïalehkai kba kynsai.
